كتاب حياتي يا عيني
حبيت شارككم بمعاناتي المضحكة... طبعا هذه الأمور كانت تؤلمني بشدة فما كان مني الا ان قررت ان اعتبرها مواقف طريفة وقررت البوح بها حتى لاتزعجني بعد اليوم...لكن اود منكم التركيز معي لبرهة من الزمن .. يرعاكم الله
فأنا فتاة من أب أزرق وأم حمراء ( الألوان هنا تدل على الطوائف والجنسيات و الأعراق كافة ) وجدي أسود وستي زهرية والمواقف المحرجة في هذا الوضع عديدة... فأينما أتواجد حالي كحال البطة السودة (أكيد جميعكم تعرفون القصة) فمثلا عندما أكون عند بيت جدي الحمر وعندهم شخص أحمر مثلهم ولا يدري أن أبي أزرق..وبيبلش ينتف بالزرق... فأنا هنا أقع في حيرة من أمري لأنو أذا ضليت ساكتة بكون تشتوشة ... وإذا حكيت..سأسبب لوالدتي الإحراج وأصغر كلمة بدها تنحكي الله يلعنها عل هالترباية.. لهيك يقولوا مية جبان ولا يقولوا الله يرحموا
أما حالة بيت جدي الزرق ....فهي كالتالي... مرت عمي الكبير زرقاء من أم حمراء..مرت عمي الوسط بنية ...مرت عمي الكبيرصفراء
أكيد هلأ إنتو عم تقولوا ....يا للإنسجام... للأسف الإجابة خاطئة ... لأنو الوضع سيئ والحالة ما يعلم بيها الإ ربنا
وجدتي هنا ..شعارها بالحياة معاهم معاهم عليهم عليهم.... وتأييدها مع الذي يدللها أكثر ... فتراها يوم زرقاء ويوم صفراء ويوم خضراء
وضعي بالمدرسة لم يكن أفضل... فآنسة الديانة لم تدخلني للصف لحتى إجت إمي ع المدرسة وبقيت تكن لي الكره الشديد كأنني قاتلة أبوها
وكانت كل ما تسمعلي وخربط تصير تقول هههه لكن
آنسة العلوم...تخيلوا أنها عندما كانت تشرح درس التهجين عند الأرانب ...نظرت إلي وابتسمت
أما الموجهة فكان من المحبب لها جدا ... أن تنادي ....لك وينها هي السودا الي أمها حمرا
الأعياد بالنسبة لي وجع راس ومجاملات عالفاضي...وحالتي كحالة الحزينة الي مالها مطرح والي بكل عرس مالها يا ننة عيني قرص
أما بالنسبة للزواج
ركزوا الله يخليكم ...فما بيمشي معي لا أزرق لأنو بدو يقول هه إمها حمرا وبدو يحطلي شروط .. والبني بيقول الله يحرسها بس أهلي ما يرضون
والأحمر أنا بتنقرف رقبتي(لا بلاها دخيل الله) والبرتقالي بيقول الله يحميها كاملة مكملة بس ريتها برتقالية كان مشي الحال
يعني لا أخضر ولا أزرق ولا أبيض ولا زهري مصفر ولا أحمر مزرق ولابينك ولا بلاك
ماضل الا البنفسجي (شخص لا وجود له) يعني بلاها أحسن
بعدين أنا خطيرة لأنو أي سلالة بدخل عليها خاربتها فورا ... وهناك مخاوف من أني جيب قطاط بدل الاولاد من كتر تخالط الجينات
أحيانا بلوم أهلي لانو شعارهم الدائم احترام جميع الأديان والطوائف والأديان ..واحترام الناس لأنسانيتهم لاأكتر ولا أقل
بس والله الي متلهم كتير قلال ... أو أنا يا عيني حظي التقي الناس الغلط
باباكان يضحك من قلبو كاني عم احكيلو نكتة لما كنت احكيلو شي موقف اتعرضتلو... وع طول كنت قلو.. هلا انا مقهورة وانت عم تضحك
وهيدا هوو السبب باني كتبت هالحكي اليوم ... لانو حسيت انها مواقف مضحكة وليست مخجلة
ميس محجوبة
LattakiaNews
del.icio.us |
Digg
أرسل إلى صديق
نسخة للطباعة
نسخة نصية كاملة
التعليقات (21 تعليقات سابقة):
لا تنزعجي انت الصح وهنن الغلط
فمنذ فترة وأنا أحاول أن أجد الكلمات المناسبة لأخطها متواضعة أمام ما تكتبين....ولكنك اليوم لمست جروح الآلاف لا بل الملايين من مجتمعاتنا العربية, فألعاب الغرب التي اصطنعها ليدخلنا في دواماتها ما زالت رحاها تدور وتطحن مجتمعاتنا ككل معها.
آنستي....
لا تدعي تفاهات المجتمع توقف ركبك....لا تَهِني أمام الألوان التي يرسمها الناس لك...أنا والله لأحنُّ لأيام الجامعة التي جمعتنا بأصدقاء بيض وخضر وسود وحمر ووو.....
لم يخطر ببال أحدنا أن يفكر يوماً بلون أو ......
قد أكون قد أطلت فعذراً منكم....واسمحوا لي هاهنا أن أرسل كل ورود الأرض تحية لكل أصدقائي أنَّى كانت ألوانهم,والتي لم ولن أراها, وأنَّى كانت الأرض التي يعيشون عليها...
دمتم بخير....
(^_^) .. بس سبق وحكينا وبتعرفي رأيي ومعاناتي من هالقصص .. بتصور مافي داعي أرجع عيد الحكي ;) ..
بس كتير مبسوط أني تعرفت عليكي .. وعقولة ريم .. شو بدنا بالحكي .. نيالك !!!
و برأيي أحلى شي ممكن يصير بحياتنا
شكراً ميس
وصحيح أنك عملتي الصح بأنو أكبر مشكله لما بتنحكى وبتنطرح بتصغر.بس الموضوع اللي عم تحكي فيه حساس ومهم وأكبر من التعليق عليه بسطر أو أكتر,لأنو مارح تضلي كل حياتك واقفه على حياد من كل الألوان .لانو الواقع بيفرض عليكي أنو ولادك يكون إلهن لون معروف وانا اكيد انك بتفضلي هالشي وانت الادرى فيه ,لهيك اسمعي مني واختاريلك شي لون لو كان نادرواندمجي فيه لأنو ما دام بيصب بالخير ما غلط, واعملي سلاله صافيه لأنو أي نسل رح يجي من أم متلك بيستاهل أنو يكون صافي متلك ,
آسف عالإطاله وبتمنى ما تكون صراحتي دايقتك.كتير طالع ظريف اللون الأحمر عإسمك وهون ما بقصد أكيد الألوان اللي قصدتيها بمقالتك بقصد اللون المرئي بأسفل الموضوع
بالتوفيق
تعليق المحرر: لو لم تتسرع لرأيت تعليقك منشورا طالما يتماشى مع سياسة الموقع ورغم مخالفتنا لرأيك الشخصي, مرحبا بك معنا دائماً..
على كل وفقكم الله بما فيه خير هالمحافظه العزيزه ,أنا بدولة الإمارات وعندي شوق دائم للاذقيه وأخبارها
وشكرا مره تانيه
هادا قوس قزح يلي بتحكي عنو ميزة مهمة الك ولشخصيتك اصلا صلاح مجتمعنا هو بهذه الالوان ويلي يريد الحياة لون واحد هو انسان خارج الانسانية-وليكن معلوم انو بلدان مهمة متل المانيا وكندا والسويد تريد ان تغني مجتمعاتها بالثقافات الاتنية والعرقية لتغني مجتمعها-ولاتنسوا فاتح المرس الذي عاش بكنف اخواله الكرد ماذا قدم له هذا المزيج المبهر من الريف الكردي والعربي-انت تملكين ميزة الجمع ولااحد يستطيع انتقادك وهذه الفسفساء المذهبية والعرقية ميزة سوريا عبر التاريخ ولايمكن ان نسمح ان تكون نقمة هذه سوريا بولس وخالد بن الوليد ويوحنا الدمشقي
وصلاح الدين ويوسف العظمة وصالح العلي وابراهيم هنانو وسلطان باشا الاطرش
-هذه سوريا حاضنة العرب والكرد والترك والارمن والاشور والسريان وكل يعتبرها بلده عداك عن الشركس والافغان وغيرهم وتحوي كل طوائف وديانات الشرق القديم بما فيها الصابئة والزراداشتية وكل الديانات الشمسية والقمرية
وديرصيدنايا والجامع الاموي وووووو
-وقد يكون الزواج المدني اكبر خطوة جبارة في تاريخ سوريا لو كان هناك من يحب سوريا -سلامات احباء سوريا في كل مكان ومية مرحبا بميوش
مقالة لطيفة جدا.
بتمنى انكن تفهموني..وشكرا...
تعليق المحرر: المقصود أنها ألوان ,فإن اردت , ألبس اللون الذي تراه مناسبا لما تره مناسبا.
مرحبا بك على صفحات الموقع
بس ليش العنوان اسم غنية
وغنية شو مصرية
ياعيب الشوم
زي قولتكم بسوريا
أهلك من ألوان متعددة وكان نتيجة هل شي ولادة زهرة تحمل أجمل لون في الكون وهاد اللون نادر الضهور ما بشوفو إلا أشخاص كتير قلال وهاد من حظك طبعاً لأنو الشخص يلي حيشوفو بعرف شو جمال هل لون ويعرف كيف يقدرو كتير منيح الله يحيكي من كل شر وأذا
أحمد العصيري
أضف تعليقك