بالمشرمحي.....طاش حجري....

أنو بِعِمري ما تخيّلت حالي اكتب بالعاميّة ....بس جاية على بالي جرّب هالمّرة ويمكن تكون الأخيرة بس.......!!!
المهم....

قاعد لحالي وضرب راسي الشيطان اللعين........أوعا حدا يروح ظنو لبعيد ها......
منرجع منقول..... المهم فتحت على قناة من قنواة الأغاني العربية المشهورة......و....صفنت........وصفنت.......
غنية نص عربي نص انكليزي.....!!!!طيب ماشي منشان العولمة وانصهار الحضارات.....غنية نص عربي نص تركي.......!!! مشي فهمناها...
طب غنية عربي هندي....... مشيناها....أنو أرقامنا هندية ما مشكلة....

غيرت المحطة ونطّيت خير اللهم أجعلو خير على (منطقة بتغطيها البلوزة)بالعادة......بس .....(شحّاري....) ما في بلوزة....مشروع شي بيشبه البلوزة....!!!
أنو شب يعني ومنّي ملاك؟؟؟؟؟
 المهم بعد شوي...غيرناها للمحطة(حتى ما يقولوا عني رزيل)........لا حول ولا قوة إلا بالله......قال: طلعنا من تحت الدلف لتحت المزريب......كان....., وكان فعل ماضي ناقص على أساس, طلع,كان,  ضمير مُستتر......كان لازم يكون في فسطان أو على الأقل......بنطلون.....لك...لك.....شورت على الأقل.......!!!!!المهم وفهمكم كفاية  وأمري لله.......غيرت المحطة(الله يخليلنا جهاز التنبلة) وخير اللهم اجعلو خير....

شب أبو عضلات وكم بنت,شقف....ضروب.....بس عيب حاجة, المهم عم ينط أبو عضلات الي عُمرو شي خمسين سنة وشوي ويغني.....وآخر شي واشملي اسم عبد الله على كتفو.....أنو عبد الله ...و وشم والله سبحانه وتعالى حرم الوشم.....ما ظبطت معي.......
المهم مرة تانية.....دماغي كان لازمو , أنتي فايروس, بانادول على السريع...!!!؟
طيب بطّلنا تلفزيون.......جبنا اللابتوب,هلأ بيقولوا عني عم اتفنطز, المهم فتحت النت وبحبشت.....طلعت الأغاني تبع الـ, لا بلوزة,  والـ ,لا فسطان,  أو بنطلون.......وأبو وشم......مكسرة الدنيا بس المربَح كان شوي للتلتين الأول......غريبة ما هيك؟؟؟؟؟؟
هلأ الاستنتاج المنطقي بيقول:
مُنتِجْ لازم يربح....وانتاج رابح.......عوامل نجاح المُنتَج....والأهم أنو الي بينجح بيكونوا التياب فهنة أقل من الي ما بينجح والدليل,أخصمك....واوا....الخ الخ..!!!!؟؟؟؟؟؟؟؟؟؟؟
المهم التحليل ,التحشيشي, الي طلع معي هوة:
شلاح أكتر......بتربح وبتنشهر أكتر......
منشان هيك  رح اشلح..............

 جراباتي وضب كاسة المتة الي قطعت من نص ساعة....... وكب باكيت الدخان الي فضيت...........وقوم خَسِّل ونام أحسن شي.....
بس سؤالي يا ترى بعد كل هالبندول.....يا ترى بيطلع علي ضو؟؟؟؟؟؟؟؟؟؟؟؟؟؟؟؟؟؟
 

عمرمفتي
قطر-الدوحة

تعليق المحرر: كالعادة نحب أن نمازح كتّابنا الأفاضل بنشر ما يرسلونه " تحت الهواء " وللعزيز عمر :لا استثناءات -;).. مع تحياتنا

سيدي الكريم اسمح لي أن أكتبها ملاحظة لكم فقط:

أترك لكم حرية القرار في نشر ما سبق أو عدم نشره فهي أولى محاولاتي للكتابة بغير لغتنا الفصحى التي أعشق.

مع المحبة والاشواق للجميع وشكراً.......